![\"\"](\"https:\/\/aidssh.al\/wp-content\/uploads\/2026\/07\/758964587_1346853300892449_933182519231775469_n-1024x768.jpg\")
Shkrel, Shkoder – N\u00eb kuad\u00ebr t\u00eb p\u00ebrgatitjeve p\u00ebr sh\u00ebnimin e Dit\u00ebs Nd\u00ebrkomb\u00ebtare t\u00eb Viktimave t\u00eb Zhdukjeve me Forc\u00eb, m\u00eb 28 gusht, Autoriteti p\u00ebr Informimin mbi Dokumentet e ish-Sigurimit t\u00eb Shtetit po zhvillon nj\u00eb seri verifikimesh administrative dhe inspektimesh n\u00eb terren p\u00ebr evidentimin dhe sh\u00ebnjezimin e vendvarrimeve t\u00eb dyshuara t\u00eb viktimave t\u00eb regjimit komunist.<\/p>\n\n\n\n
Grupi i pun\u00ebs, i drejtuar nga an\u00ebtari i Autoritetit, Gjergj Marku, zhvilloi nj\u00eb vizit\u00eb pune n\u00eb zon\u00ebn e Shkrelit, Mal\u00ebsi e Madhe, si pjes\u00eb e procesit t\u00eb k\u00ebrkimit dhe dokumentimit t\u00eb rasteve t\u00eb personave t\u00eb zhdukur gjat\u00eb diktatur\u00ebs komuniste.<\/p>\n\n\n\n
Q\u00ebllimi i vizit\u00ebs ishte mbledhja e informacionit dhe verifikimi n\u00eb terren i t\u00eb dh\u00ebnave q\u00eb lidhen me vendndodhjen e mundshme t\u00eb eshtrave t\u00eb Dom Nikoll Gazullit, nj\u00eb prej figurave m\u00eb t\u00eb r\u00ebnd\u00ebsishme t\u00eb klerit katolik shqiptar, i ekzekutuar pa gjyq nga regjimi komunist n\u00eb vitin 1946 dhe q\u00eb vijon t\u00eb konsiderohet i zhdukur.<\/p>\n\n\n\n
Gjat\u00eb vizit\u00ebs, grupi i pun\u00ebs u prit nga Dom Nikoll Toma, meshtar i Kish\u00ebs s\u00eb Sh\u00ebnkollit n\u00eb Shkrel, i cili prej vitesh ka zhvilluar nj\u00eb pun\u00eb t\u00eb vazhdueshme p\u00ebr mbledhjen e d\u00ebshmive, kujtes\u00ebs gojore dhe t\u00eb dh\u00ebnave historike mbi vendin ku mendohet se jan\u00eb varrosur eshtrat e Dom Nikoll Gazullit.<\/p>\n\n\n\n
Informacioni i mbledhur nd\u00ebr vite nga Dom Nikoll Toma p\u00ebrb\u00ebn nj\u00eb udh\u00ebrr\u00ebfyes t\u00eb r\u00ebnd\u00ebsish\u00ebm p\u00ebr procesin e verifikimeve q\u00eb po zhvillon Autoriteti. D\u00ebshmit\u00eb e mbledhura prej tij, njohja e territorit dhe puna k\u00ebmb\u00ebngul\u00ebse p\u00ebr ruajtjen e kujtes\u00ebs historike jan\u00eb nj\u00eb kontribut me vler\u00eb p\u00ebr identifikimin e vendndodhjeve t\u00eb dyshuara dhe p\u00ebr zbardhjen e fatit t\u00eb nj\u00eb prej figurave m\u00eb t\u00eb shquara t\u00eb kultur\u00ebs dhe klerit shqiptar.<\/p>\n\n\n\n
Grupi i pun\u00ebs inspektoi Kish\u00ebn e Sh\u00ebnkollit, nj\u00eb nga t\u00eb paktat kisha q\u00eb i mbijetoi shkat\u00ebrrimeve t\u00eb regjimit komunist, si edhe zon\u00ebn St\u00ebrkuj\u2013Dedaj, ku u kryen verifikime n\u00eb terren mbi vendndodhjen e dyshuar t\u00eb eshtrave t\u00eb Dom Nikoll Gazullit. T\u00eb gjitha t\u00eb dh\u00ebnat e mbledhura do t’i n\u00ebnshtrohen verifikimeve t\u00eb m\u00ebtejshme administrative n\u00eb funksion t\u00eb procesit t\u00eb identifikimit dhe sh\u00ebnjezimit t\u00eb vendvarrimeve t\u00eb dyshuara.<\/p>\n\n\n\n
Vizita n\u00eb Shkrel \u00ebsht\u00eb pjes\u00eb e pun\u00ebs q\u00eb Autoriteti zhvillon n\u00eb disa qarqe t\u00eb vendit p\u00ebr evidentimin e vendvarrimeve t\u00eb viktimave t\u00eb komunizmit, si dhe p\u00ebr p\u00ebrgatitjen e aktiviteteve p\u00ebrkujtimore t\u00eb 28 gushtit, dit\u00eb q\u00eb i kushtohet kujtimit t\u00eb personave t\u00eb zhdukur me forc\u00eb, nje dite qe kujtohet prej krijimit t\u00eb k\u00ebtij institucioni.<\/p>\n\n\n\n
N\u00eb p\u00ebrfundim t\u00eb vizit\u00ebs, grupi i pun\u00ebs zhvilloi nj\u00eb takim me kryetarin e Shoqat\u00ebs s\u00eb Ish-t\u00eb P\u00ebrndjekurve Politik\u00eb t\u00eb Shkodr\u00ebs, Zenel Drangu, me t\u00eb cilin u diskutua mbledhja e d\u00ebshmive, fotografive dhe materialeve dokumentare q\u00eb do t\u00eb pasurojn\u00eb Ekspozit\u00ebn e P\u00ebrhershme Informuese, e cila do t\u00eb inaugurohet n\u00eb Shkod\u00ebr m\u00eb 28 gusht 2026.<\/p>\n\n\n\n
Ekspozita synon t\u00eb sjell\u00eb p\u00ebr publikun historin\u00eb e persekutimit t\u00eb klerit katolik dhe t\u00eb viktimave t\u00eb regjimit komunist n\u00eb qarkun e Shkodr\u00ebs, duke i kthyer d\u00ebshmit\u00eb individuale n\u00eb kujtes\u00eb kolektive. Nj\u00eb r\u00ebnd\u00ebsi t\u00eb ve\u00e7ant\u00eb do t’i kushtohet figurave t\u00eb meshtar\u00ebve dhe prift\u00ebrinjve q\u00eb u pushkatuan, u burgos\u00ebn ose u zhduk\u00ebn nga regjimi komunist, mes tyre edhe Dom Nikoll Gazullit.<\/p>\n\n\n\n
P\u00ebrtej funksionit p\u00ebrkujtimor, ekspozita \u00ebsht\u00eb konceptuar edhe si nj\u00eb hap\u00ebsir\u00eb edukimi p\u00ebr brezat e rinj. P\u00ebrmes vizitave t\u00eb organizuara me nx\u00ebn\u00ebsit dhe t\u00eb rinjt\u00eb e zon\u00ebs, ajo synon t’i njoh\u00eb ata jo vet\u00ebm me jet\u00ebn dhe vepr\u00ebn e Dom Nikoll Gazullit, por edhe me historin\u00eb e persekutimit t\u00eb klerit katolik, rezistenc\u00ebn ndaj diktatur\u00ebs dhe r\u00ebnd\u00ebsin\u00eb e ruajtjes s\u00eb kujtes\u00ebs historike si garanci q\u00eb k\u00ebto ngjarje t\u00eb mos p\u00ebrs\u00ebriten m\u00eb.<\/p>\n\n\n\n
Dom Nikoll Gazulli (1895\u20131946) ishte meshtar katolik, studiues, gjuh\u00ebtar dhe folklorist shqiptar, i njohur p\u00ebr kontributin e tij n\u00eb studimin e gjuh\u00ebs shqipe dhe mbledhjen e trash\u00ebgimis\u00eb folklorike. Ai sh\u00ebrbeu si famullitar n\u00eb Mal\u00ebsin\u00eb e Madhe dhe u dallua p\u00ebr veprimtarin\u00eb e tij kulturore e atdhetare. Pas vendosjes s\u00eb regjimit komunist, u shpall kund\u00ebrshtar i pushtetit dhe m\u00eb 23 mars 1946 u ekzekutua pa gjyq n\u00eb zon\u00ebn e Shkrelit. Eshtrat e tij vijojn\u00eb t\u00eb jen\u00eb t\u00eb pagjetura, nd\u00ebrsa figura e tij mbetet nj\u00eb nga simbolet e persekutimit t\u00eb klerit katolik gjat\u00eb regjimit komunist n\u00eb Shqip\u00ebri.<\/p>\n\n\n\n
@followers<\/a>Gjergj Marku<\/a>Nertila Seitaj<\/a> @Bukurie Sokoli @Luan Ismaili<\/p>\n\n\n\n