Nga \u201cQeshim se nuk qajm\u00eb dot\u201d te censurimi ne\u201cPse k\u00ebshtu?\u201d, nga rreth 600 flet\u00ebt e dosjes s\u00eb Sigurimit te refuzimi dy her\u00eb i bashk\u00ebpunimit me t\u00eb, dhe nga d\u00ebshmit\u00eb e familjar\u00ebve te humori q\u00eb nuk e braktisi as pas burgut. Klubi i Filmit \u201cM\u00ebsojm\u00eb nga e kaluara\u201d solli jet\u00ebn dhe vepr\u00ebn e Viktor Stratob\u00ebrdh\u00ebs (1925\u20132000), kineastit t\u00eb talentuar q\u00eb n\u00eb vet\u00ebm 13 muaj krijimtari la nj\u00eb gjurm\u00eb t\u00eb ve\u00e7ant\u00eb n\u00eb kineman\u00eb shqiptare, p\u00ebrpara se regjimi t\u2019ia nd\u00ebrpriste rrug\u00ebn artistike.<\/p>\n\n\n\n
Autoriteti p\u00ebr Informimin mbi Dokumentet e ish-Sigurimit t\u00eb Shtetit (AIDSSH), n\u00eb bashk\u00ebpunim me Arkivin Qendror Shtet\u00ebror t\u00eb Filmit (AQSHF), zhvilloi takimin e radh\u00ebs t\u00eb Klubit t\u00eb Filmit, n\u00eb kuad\u00ebr t\u00eb platform\u00ebs edukative \u201cM\u00ebsojm\u00eb nga e kaluara 1944\u20131991\u201d, k\u00ebt\u00eb her\u00eb kushtuar regjisorit Viktor Stratob\u00ebrdha.<\/p>\n\n\n\n
Studiues, kineast\u00eb, gazetar\u00eb, arkivist\u00eb dhe familjar\u00eb vendos\u00ebn n\u00eb dialog filmin, dokumentin, historin\u00eb dhe kujtes\u00ebn njer\u00ebzore, duke rind\u00ebrtuar jo vet\u00ebm fatin e nj\u00eb artisti t\u00eb nd\u00ebshkuar nga diktatura, por edhe pyetjen se \u00e7far\u00eb humbi kinemaja shqiptare me nd\u00ebrprerjen e nj\u00eb z\u00ebri alternativ, realist dhe kritik.<\/p>\n\n\n\n
Filmi p\u00ebrball\u00eb arkivit dhe historis\u00eb<\/p>\n\n\n\n
N\u00eb fjal\u00ebn e hapjes, Sk\u00ebnder Vrioni, an\u00ebtar i Autoritetit, e vendosi takimin n\u00eb filozofin\u00eb mbi t\u00eb cil\u00ebn \u00ebsht\u00eb ngritur Klubi i Filmit:<\/p>\n\n\n\n
\u201cKlubi i Filmit \u00ebsht\u00eb nj\u00eb reflektim mbi kineman\u00eb n\u00eb diktatur\u00eb dhe nj\u00eb p\u00ebrpjekje p\u00ebr t\u00eb ndri\u00e7uar t\u00eb v\u00ebrtet\u00ebn e shtremb\u00ebruar nga propaganda komuniste. \u00cbsht\u00eb filmi p\u00ebrball\u00eb arkiv\u00ebs dhe historis\u00eb. \u00cbsht\u00eb produkti artistik p\u00ebrkundrejt regjimit totalitar, rezistenca, por edhe p\u00ebrdorimi i artit si propagand\u00eb.\u201d<\/p>\n\n\n\n
Ky ishte Klubi i tret\u00eb i Filmit n\u00eb Tiran\u00eb dhe i kat\u00ebrti q\u00eb prej nisjes s\u00eb iniciativ\u00ebs. Klubi i par\u00eb u ndal te \u201cToka jon\u00eb\u201d, ku shtresat e pasura paraqiteshin si armiq dhe reforma agrare idealizohej; m\u00eb pas \u201cVitet e para\u201d u vendos p\u00ebrball\u00eb dokumenteve dhe d\u00ebshmive mbi akuzat ndaj inxhinier\u00ebve t\u00eb K\u00ebnet\u00ebs s\u00eb Maliqit dhe ekzekutimin e tyre.<\/p>\n\n\n\n
K\u00ebt\u00eb her\u00eb, Klubi ndryshoi k\u00ebndv\u00ebshtrim: n\u00eb qend\u00ebr nuk ishte vet\u00ebm nj\u00eb film, por nj\u00eb kineast dhe rruga q\u00eb nuk iu lejua ta vazhdonte.<\/p>\n\n\n\n
\u201cQ\u00ebllimi i k\u00ebtij klubi \u00ebsht\u00eb p\u00ebrballja me t\u00eb v\u00ebrtet\u00ebn dhe njohja e s\u00eb shkuar\u00ebs me q\u00ebllim q\u00eb ajo t\u00eb mos p\u00ebrs\u00ebritet m\u00eb\u201d, theksoi Vrioni.<\/p>\n\n\n\n
Viktor Stratob\u00ebrdha \u2013 vet\u00ebm 13 muaj p\u00ebr t\u00eb l\u00ebn\u00eb gjurm\u00eb<\/p>\n\n\n\n
Viktor Stratob\u00ebrdha u formua p\u00ebr regji filmi n\u00eb Mosk\u00eb dhe punoi si asistent regjisor n\u00eb filmin \u201cSk\u00ebnderbeu\u201d. Pas kthimit n\u00eb Shqip\u00ebri realizoi dokumentar\u00ebt \u201cPushime t\u00eb g\u00ebzuara\u201d dhe \u201cUrime shok\u00eb student\u00eb\u201d. N\u00eb vitin 1955 nisi filmin e shkurt\u00ebr \u201cQeshim se nuk qajm\u00eb dot\u201d, i cili u censurua. Nga projekti mbijetuan tri episode t\u00eb shkurtra, t\u00eb ruajtura n\u00eb AQSHF n\u00ebn titullin \u201cPse k\u00ebshtu?\u201d. Katalogu i AQSHF-s\u00eb i regjistron \u201cPushime t\u00eb g\u00ebzuara\u201d, \u201cUrime shok\u00eb student\u00eb\u201d dhe \u201cPse k\u00ebshtu?\u201d n\u00eb filmografin\u00eb e tij si regjisor.<\/p>\n\n\n\n
N\u00eb vet\u00ebm 13 muaj krijimtari, rruga e tij si kineast u nd\u00ebrpre. Por ajo q\u00eb mbeti d\u00ebshmon nj\u00eb autor q\u00eb k\u00ebrkonte t\u00eb largohej nga skematizmi dhe ta kthente kamer\u00ebn drejt njeriut, p\u00ebrditshm\u00ebris\u00eb dhe problemeve konkrete t\u00eb shoq\u00ebris\u00eb.<\/p>\n\n\n\n
Eriona Kita Vyshka, studiuese dhe p\u00ebrgjegj\u00ebse e arkivit t\u00eb filmit n\u00eb AQSHF, solli p\u00ebrmes materialeve arkivore jet\u00ebn profesionale dhe krijimtarin\u00eb e Stratob\u00ebrdh\u00ebs, duke e nxjerr\u00eb figur\u00ebn e tij p\u00ebrtej historis\u00eb s\u00eb p\u00ebrndjekjes.<\/p>\n\n\n\n
Tre veprat e ruajtura u b\u00ebn\u00eb pik\u00ebnisje p\u00ebr t\u00eb diskutuar jo vet\u00ebm at\u00eb q\u00eb Viktor Stratob\u00ebrdha realizoi, por edhe at\u00eb q\u00eb mund t\u00eb kishte krijuar n\u00ebse rruga e tij artistike nuk do t\u00eb ishte prer\u00eb kaq her\u00ebt.<\/p>\n\n\n\n
\u201cQeshim se nuk qajm\u00eb dot\u201d \u2013 humori q\u00eb kritikonte realitetin<\/p>\n\n\n\n
N\u00eb qend\u00ebr t\u00eb diskutimit ishte edhe fati i \u201cQeshim se nuk qajm\u00eb dot\u201d. Filmi u censurua, nd\u00ebrsa tri episodet q\u00eb mbijetuan njihen sot si \u201cPse k\u00ebshtu?\u201d. Aty kamera e Stratob\u00ebrdh\u00ebs nuk k\u00ebrkonte heroin e idealizuar. Ajo shikonte p\u00ebrditshm\u00ebrin\u00eb.<\/p>\n\n\n\n
\u201cNj\u00eb dhi futet n\u00eb apartament; nj\u00eb banes\u00eb mbushet me uj\u00eb; dru \u00e7ahen brenda dhom\u00ebs; nj\u00eb f\u00ebmij\u00eb ndez cigare; cigaret jepen edhe n\u00eb vend t\u00eb kusurit; njer\u00ebzit shtyhen p\u00ebr t\u00eb hipur n\u00eb autobus. Jan\u00eb situata t\u00eb vogla, t\u00eb zakonshme, p\u00ebrmes t\u00eb cilave regjisori evidentonte veset dhe v\u00ebshtir\u00ebsit\u00eb e jet\u00ebs me realiz\u00ebm, ironi dhe humor t\u00eb holl\u00eb. AQSHF e daton \u201cPse k\u00ebshtu?\u201d n\u00eb vitin 1955 dhe e lidh pik\u00ebrisht me projektin e censuruar \u201cQeshim se nuk qajm\u00eb dot\u201d.<\/p>\n\n\n\n
Kritika e tij nuk synonte t\u00eb zhvler\u00ebsonte njeriun. P\u00ebrkundrazi, ishte nj\u00eb kritik\u00eb q\u00eb e shihte shoq\u00ebrin\u00eb pa zbukurime dhe pa klishe, duke p\u00ebrdorur humorin p\u00ebr t\u00eb evidentuar at\u00eb q\u00eb mund dhe duhej t\u00eb p\u00ebrmir\u00ebsohej.<\/p>\n\n\n\n
Pik\u00ebrisht k\u00ebtu u p\u00ebrqendrua edhe reflektimi i regjisorit Gledis Bica: me nd\u00ebrprerjen e Viktor Stratob\u00ebrdh\u00ebs nuk u nd\u00ebrpre vet\u00ebm karriera e nj\u00eb kineasti. U nd\u00ebrpre nj\u00eb alternativ\u00eb artistike dhe nj\u00eb narrativ\u00eb tjet\u00ebr e mundshme n\u00eb kineman\u00eb shqiptare.<\/p>\n\n\n\n
Prej k\u00ebsaj lindi edhe nj\u00eb pyetje q\u00eb e zhvendosi debatin nga e shkuara te e tashmja: a kemi sot guximin q\u00eb kishte Viktori p\u00ebr t\u00eb krijuar pa frik\u00eb, p\u00ebr t\u00eb kritikuar dhe p\u00ebr t\u00eb ndjekur deri n\u00eb fund nj\u00eb gjuh\u00eb artistike ndryshe?<\/p>\n\n\n\n
Rreth 600 flet\u00eb p\u00ebr \u201cobjektin Stratob\u00ebrdha\u201d<\/p>\n\n\n\n
Nga filmi, Klubi kaloi te nj\u00eb tjet\u00ebr arkiv: ai i ish-Sigurimit t\u00eb Shtetit. Gazetarja Rovena Rrozhani, n\u00eb referimin \u201cNj\u00eb kineast n\u00eb objektivin e Sigurimit t\u00eb Shtetit\u201d, rind\u00ebrtoi p\u00ebrmes dokumenteve mekanizmin e survejimit dhe p\u00ebrndjekjes. Rreth 600 flet\u00eb dokumente u prodhuan p\u00ebr njeriun q\u00eb n\u00eb gjuh\u00ebn operative t\u00eb Sigurimit trajtohej si \u201cobjekti Stratob\u00ebrdha\u201d.<\/p>\n\n\n\n
Dokumentet soll\u00ebn edhe nj\u00eb fakt dometh\u00ebn\u00ebs p\u00ebr q\u00ebndrimin e tij: Viktor Stratob\u00ebrdha refuzoi dy her\u00eb bashk\u00ebpunimin me Sigurimin e Shtetit. Kineasti u konsiderua \u201celement antiparti\u201d; survejimi u pasua nga internimi dhe burgimi.<\/p>\n\n\n\n
N\u00eb k\u00ebt\u00eb m\u00ebnyr\u00eb, dosja nuk tregoi vet\u00ebm mekanizmin e represionit, por edhe zgjedhjen personale t\u00eb nj\u00eb individi p\u00ebrball\u00eb presionit t\u00eb sistemit.<\/p>\n\n\n\n
Prof. asoc. dr. Gjon Bori\u00e7i, duke trajtuar Konferenc\u00ebn e Tiran\u00ebs dhe p\u00ebrpjekjet e para p\u00ebr reformimin e lidershipit komunist, solli kontekstin politik t\u00eb koh\u00ebs n\u00eb t\u00eb cil\u00ebn mendimi kritik dhe k\u00ebrkimi i nj\u00eb hap\u00ebsire lirie mund t\u00eb ktheheshin n\u00eb shkak nd\u00ebshkimi.<\/p>\n\n\n\n
Deshmite rikthejn\u00eb kujtimet p\u00ebr Viktorin por edhe pasojat mbi familjen<\/p>\n\n\n\n
Por nj\u00eb njeri nuk mund t\u00eb rind\u00ebrtohet vet\u00ebm nga dosja q\u00eb \u00ebsht\u00eb shkruar p\u00ebr t\u00eb. Nj\u00eb nga dimensionet m\u00eb njer\u00ebzore t\u00eb Klubit erdhi p\u00ebrmes familjar\u00ebve t\u00eb Viktor Stratob\u00ebrdh\u00ebs.<\/p>\n\n\n\n
P\u00ebrmes nj\u00eb interviste nga Kanadaja, Engj\u00ebllushe Stratob\u00ebrdha, bashk\u00ebshortja e regjisorit, dhe vajza e tij, soll\u00ebn p\u00ebrvoj\u00ebn e familjes gjat\u00eb viteve kur bashk\u00ebshorti dhe babai ishte n\u00eb burg. Rr\u00ebfimi i tyre e zhvendosi v\u00ebshtrimin nga njeriu i nd\u00ebshkuar te familja q\u00eb jetonte pasojat e t\u00eb nj\u00ebjtit d\u00ebnim: munges\u00ebn, pritjen dhe pesh\u00ebn e nj\u00eb p\u00ebrndjekjeje q\u00eb nuk p\u00ebrfundonte te dera e qelis\u00eb, por vazhdonte mbi gruan dhe f\u00ebmij\u00ebt. Vajza, ende e vog\u00ebl, do t\u00eb p\u00ebrballej q\u00eb n\u00eb bankat e shkoll\u00ebs me stigm\u00ebn e \u201carmikut t\u00eb klas\u00ebs\u201d, duke d\u00ebshmuar se nd\u00ebshkimi politik i nj\u00eb individi n\u00eb diktatur\u00eb shtrihej edhe mbi brezin tjet\u00ebr.<\/p>\n\n\n\n
Elda Zavalani Stratob\u00ebrdha, n\u00eb em\u00ebr t\u00eb familjes, ngriti \u00e7\u00ebshtjen e p\u00ebrgjegj\u00ebsis\u00eb s\u00eb shoq\u00ebris\u00eb p\u00ebr p\u00ebrndjekjen e regjisorit dhe p\u00ebr pasojat e padrejta q\u00eb d\u00ebnimi i tij solli mbi t\u00eb gjith\u00eb familjen, e cila p\u00ebr vite me radh\u00eb u p\u00ebrball me stigm\u00ebn dhe p\u00ebrjashtimin shoq\u00ebror. Ajo shprehu mir\u00ebnjohjen p\u00ebr kujtes\u00ebn dhe nderimin q\u00eb Klubi i Filmit i kushtoi Viktor Stratob\u00ebrdh\u00ebs dhe k\u00ebrkoi q\u00eb emri dhe vepra e tij t\u00eb rivler\u00ebsohen edhe nga instancat m\u00eb t\u00eb larta t\u00eb kultur\u00ebs shqiptare, duke i dh\u00ebn\u00eb vendin q\u00eb meriton n\u00eb historin\u00eb e kinemas\u00eb.<\/p>\n\n\n\n
P\u00ebr Elda Zavalani Stratob\u00ebrdh\u00ebn, rikthimi te historia e Viktorit nuk \u00ebsht\u00eb vet\u00ebm nj\u00eb akt nderimi ndaj nj\u00eb artisti t\u00eb talentuar dhe nj\u00eb familjeje t\u00eb nd\u00ebshkuar padrejt\u00ebsisht. \u00cbsht\u00eb edhe nj\u00eb m\u00ebsim p\u00ebr shoq\u00ebrin\u00eb, p\u00ebr m\u00ebnyr\u00ebn se si ajo p\u00ebrballet me padrejt\u00ebsit\u00eb e s\u00eb shkuar\u00ebs dhe merr p\u00ebrgjegj\u00ebsin\u00eb p\u00ebr kujtes\u00ebn e tyre. N\u00eb fund, ajo shprehu d\u00ebshir\u00ebn q\u00eb histori t\u00eb tilla t\u00eb njihen e t\u00eb kujtohen, q\u00eb nj\u00eb koh\u00eb si ajo q\u00eb p\u00ebrjetoi Viktor Stratob\u00ebrdha dhe familja e tij t\u00eb mos p\u00ebrs\u00ebritet m\u00eb.<\/p>\n\n\n\n
Tatjana Buda, mbesa e regjisorit dhe vajza e gjuh\u00ebtarit Aleks Buda, solli kujtime nga formimi dhe fillimet e tij artistike: studimet n\u00eb Rusi, p\u00ebrvoj\u00ebn si asistent regjisor n\u00eb \u201cSk\u00ebnderbeu\u201d dhe talentin q\u00eb kishte shfaqur si kineast. Por ajo solli edhe nj\u00eb Viktor intim, t\u00eb familjes: lidhjen e tij me motrat, kujdesin e ve\u00e7ant\u00eb q\u00eb tregonte p\u00ebr to dhe kujtime q\u00eb koha nuk i kishte fshir\u00eb.<\/p>\n\n\n\n
Sotiraq Stratob\u00ebrdha, nipi i regjisorit, solli nj\u00eb Viktor plot humor dhe \u00e7aste me ngjyra, edhe kur b\u00ebhej fjal\u00eb p\u00ebr periudhat m\u00eb t\u00eb v\u00ebshtira t\u00eb jet\u00ebs s\u00eb tij.<\/p>\n\n\n\n
Nj\u00eb prej kujtimeve lidhej me kthimin e Viktorit pas daljes nga burgu, i cili me qwllim qw tw provokonte reagime ecete rrugeve te qytetetit me rrobat e burgut,<\/p>\n\n\n\n
Njeriu q\u00eb kishte kaluar survejimin, internimin dhe burgun e kthente formul\u00ebn e \u201cedukimit dhe riedukimit\u201d n\u00eb humor.<\/p>\n\n\n\n
Edhe pas shtat\u00eb dekadash, situatat e \u201cPse k\u00ebshtu?\u201d mbeten t\u00eb kuptueshme. Ato nuk nd\u00ebrtohen mbi heroin artificial apo klishet\u00eb ideologjike, por mbi njeriun e zakonsh\u00ebm dhe sjelljen e tij.<\/p>\n\n\n\n
N\u00eb k\u00ebt\u00eb kuptim, rikthimi i Viktor Stratob\u00ebrdh\u00ebs nuk \u00ebsht\u00eb vet\u00ebm korrigjimi simbolik i nj\u00eb padrejt\u00ebsie ndaj nj\u00eb artisti. \u00cbsht\u00eb edhe nj\u00eb debat mbi vendin e kritik\u00ebs n\u00eb nj\u00eb shoq\u00ebri t\u00eb lir\u00eb.<\/p>\n\n\n\n
Sepse kritika mund t\u00eb jet\u00eb mjet edukimi, vet\u00ebkorrigjimi dhe zhvillimi. Dhe pyetja q\u00eb ngriti Klubi ishte pik\u00ebrisht n\u00ebse, duke i nd\u00ebrprer\u00eb Stratob\u00ebrdh\u00ebs mund\u00ebsin\u00eb p\u00ebr t\u00eb krijuar, nuk u nd\u00ebrpre nj\u00ebkoh\u00ebsisht edhe nj\u00eb m\u00ebnyr\u00eb tjet\u00ebr p\u00ebr ta par\u00eb e kritikuar shoq\u00ebrin\u00eb shqiptare p\u00ebrmes kinemas\u00eb.<\/p>\n\n\n\n
Testamenti i Viktor Stratob\u00ebrdh\u00ebs<\/p>\n\n\n\n
N\u00eb fund, Klubi ia la fjal\u00ebn vet\u00eb regjisorit. Rovena Rrozhani, e cila, p\u00ebrve\u00e7 analiz\u00ebs s\u00eb dosjes s\u00eb p\u00ebrndjekjes, solli edhe k\u00ebrkimet e saj n\u00eb shtypin e koh\u00ebs, prezantoi mes materialeve t\u00eb gjurmuara edhe nj\u00eb nga intervistat e fundit t\u00eb Viktor Stratob\u00ebrdh\u00ebs n\u00eb median shqiptare, Bota Artit, 1996, i pyetur n\u00ebse duheshin transmetuar filmat e realizuar gjat\u00eb diktatur\u00ebs, ai p\u00ebrgjigjej:<\/p>\n\n\n\n
\u201cMeq\u00eb ato, n\u00eb p\u00ebrgjith\u00ebsi, nuk e ndihmojn\u00eb spektatorin t\u00eb krijoj\u00eb nj\u00eb p\u00ebrfytyrim real t\u00eb atyre viteve t\u00eb zeza dhe nuk ndihmojn\u00eb n\u00eb krijimin e frym\u00ebs v\u00ebllaz\u00ebruese q\u00eb shoq\u00ebria jon\u00eb demokratike dhe e shtetit t\u00eb s\u00eb drejt\u00ebs duhet t\u00eb nd\u00ebrtoj\u00eb, mendoj q\u00eb ato t\u00eb shfaqen duke u seleksionuar me shum\u00eb kujdes.\u201d<\/p>\n\n\n\n
Nj\u00eb \u00e7erek shekulli m\u00eb von\u00eb, ky mendim ting\u00ebllon pothuajse si \u201ctestamenti\u201d i tij p\u00ebr filmat e diktatur\u00ebs dhe lidhet drejtp\u00ebrdrejt me arsyen e ekzistenc\u00ebs s\u00eb Klubit t\u00eb Filmit: si duhet t’i shohim sot filmat e prodhuar n\u00ebn nj\u00eb regjim totalitar?<\/p>\n\n\n\n
Jo duke i shk\u00ebputur nga koha q\u00eb i prodhoi. Jo duke i lexuar vet\u00ebm si vepra artistike apo vet\u00ebm si produkte propagandistike. Por duke i vendosur p\u00ebrball\u00eb dokumentit, historis\u00eb, kontekstit dhe d\u00ebshmis\u00eb njer\u00ebzore.<\/p>\n\n\n\n
Kjo ishte edhe historia q\u00eb nd\u00ebrtoi Klubi i Filmit p\u00ebr Viktor Stratob\u00ebrdh\u00ebn: dosja tregoi si e shihte regjimi; filmat treguan kineastin dhe alternativ\u00ebn artistike q\u00eb po lindte; familjar\u00ebt rikthyen njeriun me kujtimet, dashurin\u00eb dhe humorin e tij.<\/p>\n\n\n\n
Dhe nga nj\u00eb karrier\u00eb prej vet\u00ebm 13 muajsh mbeti nj\u00eb pyetje shum\u00eb m\u00eb jet\u00ebgjat\u00eb: \u00e7far\u00eb humbet nj\u00eb shoq\u00ebri kur ia pret rrug\u00ebn artistit q\u00eb guxon ta shoh\u00eb realitetin pa klishe \u2013 dhe \u00e7far\u00eb fiton kur i jep liri kritik\u00ebs, humorit dhe mendimit ndryshe?<\/p>\n\n\n\n
Klubi i Filmit \u2013 Platforma \u201cM\u00ebsojm\u00eb nga e Kaluara, \u201944\u2013\u201991\u201d Viktor Stratob\u00ebrdha (1925\u20132000) @followers Skender Vrioni<\/a>Aidssh – Platforma: “M\u00ebsojm\u00eb nga e kaluara”<\/a>Arkivi Qendror Shteteror i Filmit<\/a>Rovena Rrozhani<\/a>Eriona Kita Vyshka<\/a> Bruna\u00c7\u00ebrraga Dorian Zanaliu<\/a> @Arilnda Memia @Gledis Bica #gjonborici<\/a> @Elda Zavalani @Tatjana Buda @Flutura Stadob\u00ebrdha<\/p>\n\n\n\n
![\"\"](\"https:\/\/aidssh.al\/wp-content\/uploads\/2026\/10\/3C9A2605-1-1024x683.jpg\")