![\"\"](\"https:\/\/aidssh.al\/wp-content\/uploads\/2026\/11\/872596584_1428097956101316_2799541912212182509_n-1024x683.jpg\")
Tiran\u00eb, 30 tetor 2026 \u2013 Dokumentet arkivore dhe d\u00ebshmit\u00eb mbi diktatur\u00ebn do t\u00eb mb\u00ebshtesin m\u00ebsimin e historis\u00eb n\u00eb shkolla p\u00ebrmes platform\u00ebs digjitale \u201cM\u00ebsojm\u00eb nga e Kaluara: Burime t\u00eb Hapura 1944\u20131991\u201d. Kryetarja e Autoritetit p\u00ebr Informimin mbi Dokumentet e ish-Sigurimit t\u00eb Shtetit (AIDSSH), Gentiana Sula, dhe drejtori i Agjencis\u00eb s\u00eb Sigurimit t\u00eb Cil\u00ebsis\u00eb s\u00eb Arsimit Parauniversitar (ASCAP), Gerti Janaqi, firmos\u00ebn marr\u00ebveshjen e bashk\u00ebpunimit p\u00ebr p\u00ebrdorimin arsimor t\u00eb k\u00ebtyre burimeve dhe mb\u00ebshtetjen e m\u00ebsuesve n\u00eb trajtimin e s\u00eb shkuar\u00ebs komuniste.<\/p>\n\n\n\n
Gjat\u00eb takimit, z. Janaqi tha se platforma, s\u00eb bashku me produktet e saj edukative, do t\u00eb jet\u00eb n\u00eb vitin 2027 pjes\u00eb e programeve l\u00ebndore, n\u00eb p\u00ebrputhje me planet vjetore t\u00eb pun\u00ebs t\u00eb t\u00eb dy institucioneve. Ai e lidhi k\u00ebt\u00eb zhvillim me rritjen e veprimtarive praktike n\u00eb m\u00ebsimdh\u00ebnie, p\u00ebrdorimin e teknologjis\u00eb dhe p\u00ebrgatitjen e m\u00ebsuesve p\u00ebr t\u00eb punuar me materiale burimore. Platforma mund t\u00eb mb\u00ebshtes\u00eb edhe veprimtari q\u00eb lidhin historin\u00eb me edukimin qytetar dhe t\u00eb drejtat e njeriut.<\/p>\n\n\n\n
N\u00eb takim mor\u00ebn pjes\u00eb edhe znj. Dorina Rapti, drejtore e Drejtoris\u00eb s\u00eb Kurrikul\u00ebs dhe t\u00eb Kualifikimit, dhe znj.Ines Todhe, p\u00ebrgjegj\u00ebse p\u00ebr kurrikul\u00ebn e historis\u00eb, pran\u00eb ASCAP-it, n\u00eb var\u00ebsi t\u00eb Ministris\u00eb s\u00eb Arsimit.<\/p>\n\n\n\n
N\u00eb qend\u00ebr t\u00eb diskutimeve ishte pasurimi i kurrikul\u00ebs dhe i veprimtarive m\u00ebsimore mbi periudh\u00ebn komuniste. P\u00ebrndjekja politike, burgjet, kampet dhe vendet e vuajtjes u trajtuan si tema q\u00eb mund t\u00eb shpjegohen m\u00eb gjer\u00ebsisht p\u00ebrmes dokumenteve dhe historive njer\u00ebzore, duke i ndihmuar nx\u00ebn\u00ebsit t\u00eb kuptojn\u00eb pasojat e represionit n\u00eb jet\u00ebn e individ\u00ebve, familjeve dhe shoq\u00ebris\u00eb.<\/p>\n\n\n\n
Znj. Ines Todhe vler\u00ebsoi kontributin q\u00eb platforma mund t\u00eb jap\u00eb n\u00eb m\u00ebsimdh\u00ebnien e historis\u00eb, duke u ofruar m\u00ebsuesve burime historike par\u00ebsore dhe udh\u00ebzime p\u00ebr p\u00ebrdorimin e tyre n\u00eb klas\u00eb. K\u00ebto materiale u krijojn\u00eb nx\u00ebn\u00ebsve mund\u00ebsi t\u00eb analizojn\u00eb dokumentet, t\u00eb shqyrtojn\u00eb rrethanat n\u00eb t\u00eb cilat jan\u00eb hartuar, t\u00eb krahasojn\u00eb burimet dhe t\u00eb nd\u00ebrtojn\u00eb interpretime t\u00eb argumentuara mbi t\u00eb shkuar\u00ebn.<\/p>\n\n\n\n
Znj. Ornela Arapi, drejtore e Mb\u00ebshtetjes Shkencore dhe Edukimit Qytetar n\u00eb AIDSSH, prezantoi p\u00ebrmbajtjen dhe m\u00ebnyr\u00ebn e p\u00ebrdorimit t\u00eb platform\u00ebs, e cila \u00ebsht\u00eb n\u00eb faz\u00eb nd\u00ebrtimi. Ajo shpjegoi se parashikohen dy m\u00ebnyra aksesi, t\u00eb p\u00ebrshtatura p\u00ebr m\u00ebsuesit dhe nx\u00ebn\u00ebsit. P\u00ebr m\u00ebsuesit do t\u00eb ofrohen paketa didaktike, udh\u00ebzime metodologjike, materiale burimore dhe pyetje orientuese p\u00ebr organizimin e or\u00ebs m\u00ebsimore. P\u00ebr nx\u00ebn\u00ebsit parashikohen materiale me gjuh\u00eb t\u00eb p\u00ebrshtatshme, intervista, loj\u00ebra edukative dhe kuize.<\/p>\n\n\n\n
Arapi theksoi se dokumentet, filmat dhe d\u00ebshmit\u00eb do t\u00eb shoq\u00ebrohen me pyetje e detyra praktike, duke lidhur udh\u00ebzimin e m\u00ebsuesit me pun\u00ebn aktive t\u00eb nx\u00ebn\u00ebsit. P\u00ebr faz\u00ebn e par\u00eb jan\u00eb mbledhur materiale, p\u00ebrfshir\u00eb libra p\u00ebr f\u00ebmij\u00eb, nd\u00ebrsa paketat didaktike po p\u00ebrgatiten n\u00eb bashk\u00ebpunim me ekspert\u00eb t\u00eb fush\u00ebs. Platforma parashikon edhe webinar\u00eb praktik\u00eb mbi trajtimin e periudh\u00ebs komuniste dhe p\u00ebrdorimin e burimeve n\u00eb klas\u00eb.<\/p>\n\n\n\n
Kryetarja e Autoritetit t\u00eb Dosjeve, Gentiana Sula, propozoi q\u00eb hulumtimi i nx\u00ebn\u00ebsve t\u00eb nis\u00eb edhe nga historia e personit emrin e t\u00eb cilit mban shkolla e tyre. Dokumentet arkivore, fotografit\u00eb dhe d\u00ebshmit\u00eb mund t\u2019i ndihmojn\u00eb t\u00eb njohin jet\u00ebn dhe p\u00ebrvoj\u00ebn e k\u00ebtyre figurave, duke e lidhur historin\u00eb e shkoll\u00ebs dhe t\u00eb komunitetit me historin\u00eb komb\u00ebtare. Kjo qasje nxit nj\u00eb njohje t\u00eb mb\u00ebshtetur n\u00eb burime dhe shqyrtimin kritik t\u00eb s\u00eb shkuar\u00ebs, p\u00ebrtej idealizimit, demonizimit apo interpretimeve t\u00eb politizuara.<\/p>\n\n\n\n
Sula theksoi gjithashtu se platforma do t\u00eb jet\u00eb e hapur ndaj kontributeve t\u00eb m\u00ebsuesve, studiuesve, universiteteve dhe shoqatave q\u00eb punojn\u00eb me historin\u00eb dhe kujtes\u00ebn, p\u00ebr t\u2019u pasuruar vazhdimisht me materiale t\u00eb dobishme p\u00ebr m\u00ebsimdh\u00ebnien.<\/p>\n\n\n\n
Sipas marr\u00ebveshjes, AIDSSH-ja do t\u00eb v\u00ebr\u00eb n\u00eb dispozicion dokumente arkivore t\u00eb deklasifikuara dhe materiale t\u00eb p\u00ebrpunuara p\u00ebr p\u00ebrdorim arsimor.<\/p>\n\n\n\n
N\u00eb bashk\u00ebpunim me institucione k\u00ebrkimore dhe ekspert\u00eb, do t\u00eb kujdeset p\u00ebr sakt\u00ebsin\u00eb historike dhe integritetin dokumentar t\u00eb tyre.<\/p>\n\n\n\n
ASCAP-i do t\u00eb kontribuoj\u00eb me ekspertiz\u00eb pedagogjike e metodologjike, rekomandime p\u00ebr p\u00ebrdorimin e materialeve n\u00eb p\u00ebrputhje me kurrikul\u00ebn dhe mb\u00ebshtetje p\u00ebr zhvillimin profesional t\u00eb m\u00ebsuesve.<\/p>\n\n\n\n
Marr\u00ebveshja parashikon nj\u00eb bashk\u00ebpunim kat\u00ebrvje\u00e7ar, me plane pune q\u00eb p\u00ebrcaktojn\u00eb veprimtarit\u00eb, afatet dhe p\u00ebrgjegj\u00ebsit\u00eb e institucioneve.<\/p>\n\n\n\n
Platforma do t\u00eb sh\u00ebrbej\u00eb si burim plot\u00ebsues p\u00ebr m\u00ebsimdh\u00ebnien dhe p\u00ebrdorimi i saj nga shkollat e m\u00ebsuesit do t\u00eb jet\u00eb vullnetar. P\u00ebrzgjedhja dhe p\u00ebrdorimi i materialeve do t\u00eb respektojn\u00eb legjislacionin p\u00ebr mbrojtjen e t\u00eb dh\u00ebnave personale.<\/p>\n\n\n\n
Gentiana Mara Sula Gentiana Sula Faqja Zyrtare<\/a> @Gerti Janaqi Agjencia e Sigurimit t\u00eb Cil\u00ebsis\u00eb s\u00eb Arsimit Parauniversitar<\/a>Aidssh – Platforma: “M\u00ebsojm\u00eb nga e kaluara”<\/a>Ornela Elezi<\/a>#Bruna\u00c7\u00ebrraga<\/a>Rovena Rrozhani<\/a>Dorian Zanaliu<\/a>Migena Demirxhi<\/a><\/p>\n\n\n\n