Date: 14 nëntor 2025
Ora: 11:00
Vendi: Arkivi Qendror Shtetëror i Filmit (AQSHF)
Autoriteti për Informimin mbi Dokumentet e ish-Sigurimit të Shtetit (AIDSSH) dhe Arkivi Qendror Shtetëror i Filmit (AQSHF) sjellin Klubin e Filmit “Mësojmë nga e Kaluara”, në kuadër të marrëveshjes së bashkëpunimit midis dy institucioneve.
Ky aktivitet synon të krijojë një hapësirë reflektimi dhe dialogu mbi kinemanë e periudhës komuniste përmes dokumenteve arkivore, analizave historike dhe këndvështrimeve artistike.
Në seancën e parë të Klubit do të shfaqet dhe diskutohet filmi “Toka jonë”, i cili do të shoqërohet me ndërhyrje të studiuesve të historisë dhe të artit, si dhe me prezantime nga fondet arkivore të AIDSSH-së.
🕐 Programi
11:00 – 11:05 Mirëpritja e të ftuarve dhe akomodimi në sallë.
11:05 – 11:15 Fjala përshëndetëse e Kryetares së AIDSSH-së, znj. Gentiana Sula.
11:15 – 11:25 Fjala e Drejtorit të AQSHF-së, z. Eljan Tanini.
11:25 – 11:30 Hapja e Klubit të Filmit nga z. Gjergj Marku,, anëtar i AIDSSH.
11:30 – 11:40 “Reforma agrare dhe kolektivizimi” – z. Xhafer Sadiku, studiues.
11:45 – 12:00 “Pse u shkrua drama Toka Jonë” – znj. Anxhela Çikopano, studiues arti (TBC).
12:10 – 12:15 “Disa gjetje të rëndësishme nga fondi arkivor i AIDSSH-së mbi familjen Syku” – dr. Edlir Orhani.
12:25 – 12:40 Fjala e pasardhësve të familjes Syku, z. Albert Syku dhe z. David Syku.
12:45 – 13:00 Bashkëbisedim me të ftuarit dhe pjesëmarrësit në sallë.
Mbyllja e Klubit të Filmit.
📽️ Klubi i Filmit “Mësojmë nga e Kaluara” është pjesë e platformës arsimore të AIDSSH, që synon të nxisë reflektimin mbi të kaluarën përmes analizës së dokumenteve historike dhe veprave të artit.