Autoriteti për Informimin mbi Dokumentet e Ish-Sigurimit të Shtetit organizon më 2 Prill, ora 11:00, aktivitetin e rradhës në kuadër të “Dosje e Hapur -Tirana në Sytë e Sigurimit të Shtetit.” Ky event do të fokusohet në trajtimin e figurës së Lejla Gjinali Beshirit dhe të historisë së saj në kontekstin e persekutimit politik nga regjimi komunist.
Lejla Gjinali Beshiri, vajza e Tahir Gjinalit, ish- nxënës i shkollës teknike “H. Fullzi” dhe i dënuar në grup me Lutfi Strazimirin, Andrea Xegën, Mustafa Greblleshin dhe të tjerë.
Lejla punoi si mësuese pianoje. Në vitin 1986, pas vdekjes së Enver Hoxhës, u internua së bashku me bashkëshortin dhe njërën nga vajzat e saj, e cila sapo kishte lindur një fëmijë.
Në këtë aktivitet do të prezantohen dokumente arkivore që hedhin dritë mbi këtë periudhë dhe ndikimin e saj në jetët e individëve të prekur. Gjithashtu, do të diskutohet rëndësia e hapjes së dosjeve për të kuptuar më mirë të shkuarën dhe për të ndihmuar në procesin e edukimit dhe ndërgjegjësimit të shoqërisë.
I ftojmë të gjithë të interesuarit të marrin pjesë dhe të kontribuojnë në këtë dialog të rëndësishëm për historinë dhe drejtësinë.
🎬 Klubi i Filmit “Mësojmë nga e Kaluara”
11/11/2025