1. Qëllimi i projektit:
Projekti synon të krijojë një hapësirë publike kujtese, njohjeje, edukimi dhe reflektimi mbi persekutimin politik gjatë regjimit komunist (1944–1991). Duke vendosur ekspozitën në një nga vendet më domethënëse të dhunës dhe ekzekutimeve në Shkodër (Varrezat e Rrmajit, Zalli i Kirit/Ishulli i të Pushkatuarve, dhe zona e Kupolës), nisma ndjek modelin bashkëkohor të memorializimit në vendin-skenë krimi.
Ekspozita shërben si një urë lidhëse mes së kaluarës së dokumentuar dhe brezave të rinj, duke e paraqitur Shkodrën si qendër të disidencës, por edhe si dëshmitare e vuajtjeve sublime të njerëzve të saj…

1. Përmbajtja e Tri Pllakave Përkujtimore
Pllaka 1 – Konteksti historik dhe vendi i kujtesës
Mesazhi/Slogani: “Liria nuk trashëgohet pa kujtesë.”
Përmbajtja: Pasqyron historikun e vetë Varrezave të Rrmajit dhe hapësirës përreth si vend ekzekutimesh gjatë diktaturës, ngjarjet, datat dhe të dhënat e verifikuara, duke trajtuar vendin si hapësirë dëshmie.

Pllaka 2 – Dëshmitë njerëzore dhe problematika e të zhdukurve
Mesazhi/Slogani: “Këtu kujtohen ata që diktatura kërkoi t’i fshinte nga kujtesa.”
Përmbajtja: informacion i përgjighshëm kushtuar fenomenit të zhdukjes së detyruar, pasojave te familjet, si dhe dëshmive, fragmenteve, skicave dhe historive të tyre.

Pllaka 3 – Shkodra dhe kujtesa demokratike
Mesazhi/Slogani: “Shkodra i falenderon për madhështinë që i dhanë dhe përkulet para emrit të tyre.”
Përmbajtja: Pasqyron Shkodrën si qendër të rezistencës antikomuniste, duke theksuar përgjegjësinë qytetare për ruajtjen e kujtesës, nderimin e viktimave nga çdo shtresë dhe përcjelljen e mesazhit të paqes e dinjitetit njerëzor.