“Çdo dokument, fotografi, letër, kujtim apo dëshmi personale mund të ndihmojë në plotësimin e historisë sonë kolektive. Nëse ju ose familja juaj keni përjetuar përndjekjen politike, internimin, burgosjen, konfiskimin e pasurisë, diskriminimin apo keni informacion për persona të zhdukur gjatë diktaturës komuniste, ju ftojmë të ndani me AIDSSH dëshminë tuaj.
Kontributi juaj mund të ndihmojë në dokumentimin e fakteve, pasurimin e kujtesës historike, kërkimin e së vërtetës dhe ruajtjen e historive që nuk duhet të harrohen. Çdo dëshmi, sado e vogël të duket, mund të jetë një pjesë e rëndësishme e mozaikut të kujtesës kombëtare.”
